揀眼霜一定揀gel狀 質地要夠輕夠薄夠清爽

油脂粒先可以絕跡

clinique新的eye serum 以roll-on設計

用的時候碌一碌 好方便

event當日在由PR Jan搖身一變充當我的按摩師

幫我試新品同時做眼部按摩

然後又幫我化番個靚妝

原來Jan化妝好靚又熟手 我地一邊傾一邊化妝

仲講埋比我知適合我的顏色 等我可以keep住用

這款eye serum質地討好 妝前妝後都可以用

我視為隨身物之一

好的眼部護膚品難求

對我這類易出油脂粒的來講

有救啦!

這個model我很喜歡  靚得來有d特別

已經第2次跟她合作  但下星期佢就要回老家澳洲一個月

今次個shooting我好中意  好靚 

雖然同一個model  但感覺同上次化metallic妝不一樣

試燈個張都甘靚  係攝影師的功勞

出街個張當然不會得個樣 

變成點就要睇6月14日more 啦

經常聽到PR friend為攪有新意event，胶盡腦汁

當中不乏有趣的活動

上個月CHANEL就將office搖身變成化妝間

請來elite靚model比我地美容記者化妝

正!勁開心，好好玩，可以練習一番

當日化大眼妝，有化妝師Janice Lam先做示範

我地就一人一個model做實戰

化妝後，你睇model Angel隻眼幾大 (不過佢本身都好大)

估吾到我畫眼線同黏假眼睫毛都保持水準，一take過攪掂

仲嬴左個印左chanel logo的保溫壺 多謝!

遲d等我再向化妝方面深造一下先!

化大眼妝最好就係選深色一點的眼影 ($350)，不得不提chanel全新睫毛液($265)，真係好挺身，刷頭梳形做得好密，做到自然向上捲翹的效果，仲好纖長，不用睫毛夾都夠翹。

經歷世博一日遊，我想不會再去，真心講每個館的外型設計好靚，係好吸引，值得睇！

好似去了一個好夢幻的美好城市一樣，充滿期待同讚嘆

但硬件得，軟件得人驚，就好弊

人真是太多了，有人說很多是來自不同省份的旅遊團來充場面

但每個館要排上30分鐘到4-8小時，看15分鐘又出來了，值得嗎?

不想排幾個鐘，我建議買夜票，夜晚才去，不用排足幾小時

同胞們排隊不斷打尖，推撞，令原本要排上幾小時的人龍更惡頂

最慘莫過於部分展館頗令人失望，令興致大減

有趣的地方是遊人喜歡不斷跟每一樣展示物件合照，

還剛一時許就開始將長凳當睡椅，10張有一半都是在睡，

見空地又有遮陰就坐下，通通脫掉鞋，

有在玩啤牌、有小朋友在垃圾筒上小便……………..

飲水機前永遠都有人在洗面、洗手、冲茶

有趣的是像８歲的小朋友還坐BB車、在園內才發現行動不便要坐輪椅的人比平日多好多

我起初滿懷期待去世博，世博就是這樣嗎?

呢個巨型BB向西班牙館入面

名叫「小米寶寶」（西班牙文為 Miguelín）

係好巨型、又好真實、皮膚、眨眼、表情、就連肌肉收縮活動都好仔細

頭髮好幼細，膚色白裡透紅，真係BB一樣

好震撼！

單睇相都好難想像有幾大

同樣你根本好難想像入面有幾多人人人人人人人人人人人人人人人人人

每次出trip前都會諗好每日著的衫

特別係gala dinner的，高跟鞋同手袋係必備

今次出trip我就帶左呢個大size clutch bag

基本要求是要放到相機

呢個袋我向ebay bid回來的，應該2年前的事，

開心的係用最低價USD 9.99 bid到，加埋郵費，印象中係約150-160甘上下

ebay 好玩之處好像尋寶一樣，而好多時都係獨一無二，不過就要花點時間慢慢睇慢慢發掘，

落bid也是一種學問，要贏到心愛的東西，就要有點技巧！

下星期二就出Trip啦

今次4日3夜上海之旅，其中一part當然會到近來最hit的世博

收集了各方友好遊園後的意見

已做好心理準備 咩野準備？ 哈，等我去完親身體驗過再下定論

下星期一交稿deadline一定超忙  要執定野先

今日就收拾了部分護膚行裝

有野遺漏都可補給

清潔最緊要，由朝到晚都出去做野，返到酒店第一時間清潔，細心的PR送我用完即棄卸妝油﹣方便，Toner, 神仙水就一定吾少得，相反，面霜我就最注重補濕，揀天然又低敏不刺激的Origins是我的心水，雪花秀眼霜最relax,如果真係太乾就塗少許serum，bobbi brown細細支就夠，人在外地最緊要減低刺激，千祈吾好敏感。

防曬、hand cream、body cream就一定要有，今次為左應付遊世博的戶外活動，身體防晒都好重要，spray就夠晒方便，再隨身帶備防曬濕紙巾，就吾怕曬啦

頭部護理我都好緊張，頭皮易敏感，真係吾可以亂來，洗頭水我會自備，再帶定hair oil，敏感的話都有得紓緩下，造型鹽粉是每日出門前必用，而爽身粉都係為遊世博而設，防止頭”立立”，需要時拎出來，個頭即時爽晒

最後，當然吾少得面膜啦，今次就準備左3片有紓緩補濕功效的  我的美麗日記面膜

植村秀Tokyo Lash Bar又嚟啦

今次全新「20XX未來東京系列」發揮對未來彩妝的創意空間

每次都推出驚喜的假睫毛

今次睫毛分別綴上科幻感的鏡面

有好閃的施洛華世奇水晶

又有金屬線交織的光芒

好像置身太空一樣 充滿未來感

啤酒都有機？

label上面的插圖很吸引，好得意！

它來自瑞士Appenze II山區的天然湧泉，不怪得口感特別清爽

不同顏色的label代表一種味道

有的散發素淡橘甘香，有來自啤酒花香，有清新麥香，

各有不同口味，很得意

我就喜歡Vollmond Bier- 滿月啤酒

是釀酒師在圓月的寂夜釀製

沒有寂寞的感覺，卻帶圓滿的浪漫感

O2H Shop : www.o2h.com.hk

時間釋義 – 區凱琳的繪畫of a very talented Hong Kong artist.

7 May, 2010 – 30 June at EDGE Gallery,

G/F 60C Leighton Road, Causeway Bay, Hong Kong.

closed Mon, Sun & public holiday

想像一 位長久眺望著彼岸烏托邦的人，在憧憬與幻滅之間徘徊，時間像咒語似在永遠地漫流，她凝視著剎那悠悠的每一刻，以圖畫記下了當中的景象與思緒。區凱琳 的作品對「時間」之種種「定義」，並非科學或哲學的論述，而是她以手藝來表達對時間流逝的感觸，是視覺的、物質性之「定義」──時間框架、微亮彩虹、懷中 手帕、生活瑣事、死亡預備──於繪畫過程中她審視自身，想去裝飾一個等待的歷程，回味一個單純的願望，設想一個美麗的結局。

區凱琳是本地畫家，於香港中文大學取得藝術碩士(2004)及哲學碩士(2009)。她的繪畫作品，是以個人的情意感受及細膩的手藝勞作而煉成圖畫，像生活，是由瑣碎細節織成的整體，可以細味，可以逗留，若只以理性系統去分析它，則難盡其意。