為左免費泊車3個鐘, 我又要購物$200。行過地庫間bershka, 即係俾門口呢條粉紅色裙吸引住,望一望個價錢牌, 嘩, 重吸引, 只係賣$99, 重咩size都有, 諗都無諗試都無試就要左一條, 正呀!!

完成啦, 係咪似模似樣呢？簡直係無繪畫天份o既人一大喜訊, 呢個設計真係堅偉大呀!!

帶給不懂畫畫， 對畫畫從來沒有半點天份的你一份天大喜訊，數字油畫可以令你化身成大畫家啦！

同事剛送了一幅數字油畫給我，只要簡簡單單跟着油畫上的數字填上配對好的顏色， 仔細地一筆一筆的畫，一幅充滿實力的油畫馬上誕生，畫好後給朋友看，不太懂的人還會誇讚你呢， 哈哈， 我見過別人的製成品，對不懂畫畫的我來說，實在是非常利害，期待我的作品快點完成，我要開工啦， 哈哈！

數一數手指， 原來我做GEL甲， 足足有4個年頭了。4年前的聖誕， 見同事們做GEL甲， 貪得意的我又跟着去做， 沒想過一做就是4年，從沒間斷， 這4年， 我更是幫襯着同一個美甲師， 認真長情。

4年間我可以話係追隨住呢位美甲師， 佢每轉一份工， 我都跟住佢，由佢剛學滿師， 到依家仔都生埋，只能老土地概嘆時間過得真係快。

生B後美甲師久休復出，我又再一次轉修甲地點， 今次佢嘅工作地點，就坐落係銅鑼灣總統商場對面，亦算就腳，唐3樓， 我年紀雖大但還能應付這些樓級。店舖的裝修頗為精緻， 歐陸式設計，白色為主調配上3盞大水晶燈，帶出點點高雅感覺，店舖同時可容納約10名顧客，最重要當然係美甲師手勢一流嘛，做個GEL甲， 一個小時內攪掂（當然係簡單款式唔係雕晒花個種啦）， 手腳同做又趕時間？兩位美甲師同時為你服務， 大約個半小時就可以扮完靚靚走人 ，貼心又周到。

Elegance Nail 銅鑼灣謝斐道526號3樓

tel: 2834 0338

細妹早年收養了一隻肥貓, 當日貓貓用作配種用，到沒有利用價值的時候，繁殖場的負責人就說要將貓貓人道毁滅，理由係唔想太多名種貓輕易流出市面。幾經辛苦，細妹先係鬼面關將呢隻可愛肥貓救出,沿用舊名字”豬豬”, 想起來已經是3年前的事情了。

性格溫馴o既豬豬，個樣矇盛盛，真係好攪笑架，佢最新力作係扮龍貓，傻得o黎又夠cutie, haha(唔好意思, 係咁讚添)，要幫佢攪多d造型至得呀

朋友將化妝比喻為畫圖畫，他認為只要懂得畫畫，妝， 自然化得好。但作為女性， 我當然不認同，畫畫是如實畫出，但化妝卻是隱惡揚善，不但要將面部輪廓一一突出，更要加上修飾，將略差甚至是不及格的五官執一執，近年網上經常出現一些化妝前後的對照圖片， 大家就知道化妝對女性來說有幾重要。
化妝課程動輒數千甚至過萬，未必人人花得起、捨得花，不過化妝師好友Elly Wong近日就幫化妝品牌Canmake擔任化妝班導師，每堂兩小時的課程，每次都會介紹一種化妝技巧，例如如何化一個日式妝容、如何畫眼線、或簡易輪廓妝等，無論對化妝毫無概念，抑或像我一樣略懂化妝，但總未能將自已的輪廓突出，都不妨TAKE幾個課程學習一下， 未能做化妝達人，但起碼能將自己最好的一面表現出來。
化妝班最難得之處是學費可全數換回Canmake的產品(會員$200，非會員$350)，學習化妝時又可免費使用化妝品上的化妝工具如化妝掃等，兩手空空就可以去上堂。

個人最滿意換左一款花花形吸油海綿，每包5片，每天使用一片，可清洗放乾再使用，美觀之餘，又不會像面油紙般完全吸走面部的油分，令肌膚太乾。

想知道嚟緊開咩班， 不妨參考以下網址:

https://www.facebook.com/#!/CANMAKE.MK

中一的時候，由樂富搬到柴灣，工作後，公司由北角搬到柴灣，自此，我好像離不開柴灣了。

在柴灣好像工作了5年，及後轉工，新公司與舊公司竟然一街之隔。半年後，再轉工，我又回到北角了，但工作了半了，由於加租及空間不足兩種關係，我又再次投入柴灣的懷抱。

我與柴灣的緣分，實在是說不出的微妙，柴灣，我能夠脫離你嗎？

個人屬於踢到唔郁型，做運動的原因往往不是追求健康，早年迷上打網球，全因覺得網球來來回回的”pop pop”聲好好同，以及網球裙好靚。近日又愛上踩單車，全因無聊打算消磨時間，所以平平地學人買了部褶車，承惠千五蚊，近10個人，我的單車最平，(因為害怕3分鐘熱度,又窮窮地)，但一分錢一分貨嘛，加上體力不及，我永遠都係包尾那位，朋友每次叫我踩快點，但就算體力相若，工具不同亦有關係吧！

最妙是我跟朋友說:「不如買過一部貴少少的單車」，對方答：「價錢並不關係，單車踩得動就可以了，我因為想快，才買一架貴一點的」…………..想快所以買貴點，那實在不應該嫌我慢吧！我架單車，黃金寶跟你們踩也會輸吧！

昨天跟朋友去了海洋公園，回看相片，忽發一陣感觸。

朋友A最近與其友人分開，她之前努力地維擊着一段不快樂的感情，可惜時間久了，對方完全不想花時間相陪，千萬個藉口不能出來，無數個等待，她總覺得那份孤單感覺簡直瀰漫着整個宇宙。哭的時間, 總比開心的多。

其實你怎會孤單？望近一點，回到家總有家人，還有朋友的相伴，何必為一個不愛你的人去自尋煩擾？人生中過客何期多, 何必執著於一個人身上？

有否發覺，身邊原來還有不少愛護你的朋友，在你有需要的時候，幫助你的都是摰愛親朋, 為你解悶的都是朋友，其實……….你並不孤單。

兩張有關纜車的照片，我坐在同一個地方, 拍了兩個不同的角度，原來分別竟然可以這麼大，有時候，不要只從一個角度看, 不同角度下, 你可以看到不一樣的影像, 看遠一點, 其實你或我, 都並不孤單。

恭喜你上星期終於解決了一段感情問題，一時的不快樂並不緊要，因為我深信，將來你必得幸福。祝福你！