Date : February 29th, 2012
我O係夏天最鍾意著涼鞋, 到冬天又鍾意著高踭鞋 (著住對3/4吋高o既鞋行都要行得慢啲, 夏天着住又熱又要行得慢, 個人好容易又燥又忟, 所以夏天好少著), 可能兩款鞋的鞋底都不及波鞋厚, 保護不足, 經過咁多年的無情傷害, 我腳皮底o既死皮簡直厚到不能再厚, 每次做腳部護理，都俾人話我腳底死皮厚得好誇張…………
唔好以為我好懶無做腳部護理, 我買過好多款磨腳皮o既小工具，但磨極都好似無乜料到咁, 但每次幫腳做GEL甲時, 美甲師又幫我擦到好多死皮架喎 (聽落係咪有D嘔心?)
我問：點解你可以幫我擦得到死皮，但我自己就擦唔到？
她答：因為自己好難用力。
我問：會唔會你個擦勁啲?
她答：都會架, 你要唔要買返個？
我問：可以咩？我買呀!!
結果, 我就買 左個返屋企, 隔日擦，4個星期總結結果，腳皮大大減少，過程中你會擦左好 多死皮出O黎, 好似擦膠碎咁, 超有滿足感喎, 盛惠$180 (我以為幾十蚊架咋, 所以俾錢時都覺得有D貴, 但用落又真係好好用, 抵返)
美甲師教我, 每次用完再用唔要O既牙擦擦一擦表面，咁就可以用耐D架啦!!
查詢: Elegane Nail 28340338
Posted by yokipoon February 29, 2012 - 02:02 pm
Date : February 19th, 2012
當身邊朋友個個係度淘寶淘到興高采烈，我先剛去學習，對於我這個網上購物初學者來說，確實是有一點難度，但最近我才發現原來連facebook都可購物，想唔話自己落後都唔得。上星期朋友向我推介一個愛爾蘭的身體護理品牌ENITA，話價錢抵買，香味一流喎，最重要係購買夠方便，數十個選擇，無論磨砂、不同質地的body lotion、沐浴露及潤唇膏都有齊，係facebook度襟幾個掣，用支付寶俾錢又得，用visa俾錢都得，3至5個工作天內安排送貨，購物滿$500更可獲得免費送貨添 ($499或以下送貨收費$35)。
我就買左個呢生薑檸檬味O既Body Wipe、玫瑰味沐浴乳霜以及蘆薈白茶潤手霜，尤其喜歡細細支的潤手霜，放在手袋中非常方便，清新的味道配上清爽的質感，令雙手隨時隨地都保持細嫩。
大家有時間都可以去以下網址睇下架!!
http://www.facebook.com/#!/enitacosme
襟幾個掣就有專人送上門, 真係好方便架！
Posted by yokipoon February 19, 2012 - 12:02 pm
Date : January 28th, 2012
三個月前， 阿妹生左小BABY， 我的毋親大人第一次當婆婆，心情簡直興奮過我細妹， 收拾一家細軟，就搬左去我阿妹屋企湊孫LU， 結果，成間屋就得返我同雪兒女兩個， 你眼望我眼咁 ， 不經不覺渡過左3個月。以前媽咪係屋企唔鍾意點香薰，依家一個人 ， 梗係點呢樣點個樣啦， D紅紅啡啡O既舊式地氈， 被我換成左粉紅色，至於我間房， 當然係一貫O既粉紅色系啦！！其實諗返轉頭， 我O既少女時代係唔鍾意粉紅色架喎，究竟係幾時開始，我O既世界變左粉紅色呢？唔通人愈大，品味愈年輕？
Posted by yokipoon January 28, 2012 - 11:01 pm
Date : January 27th, 2012
為左免費泊車3個鐘, 我又要購物$200。行過地庫間bershka, 即係俾門口呢條粉紅色裙吸引住,望一望個價錢牌, 嘩, 重吸引, 只係賣$99, 重咩size都有, 諗都無諗試都無試就要左一條, 正呀!!
Posted by yokipoon January 27, 2012 - 02:01 pm
完成啦, 係咪似模似樣呢？簡直係無繪畫天份o既人一大喜訊, 呢個設計真係堅偉大呀!!
Posted by yokipoon January 5, 2012 - 12:01 am
Date : December 21st, 2011
帶給不懂畫畫， 對畫畫從來沒有半點天份的你一份天大喜訊，數字油畫可以令你化身成大畫家啦！
同事剛送了一幅數字油畫給我，只要簡簡單單跟着油畫上的數字填上配對好的顏色， 仔細地一筆一筆的畫，一幅充滿實力的油畫馬上誕生，畫好後給朋友看，不太懂的人還會誇讚你呢， 哈哈， 我見過別人的製成品，對不懂畫畫的我來說，實在是非常利害，期待我的作品快點完成，我要開工啦， 哈哈！
-
-
外形是有點笨，但給人看製成品就可以了
-
-
油畫上劃分了很多細細格，方便配對顏色，懂數字就可完成了。
-
-
依照數字填上顏色，小心別出界。
-
-
套餐早已幫你配好所需的顏料，3支畫筆及勾勾，方便掛起油畫。
Posted by yokipoon December 21, 2011 - 09:12 pm
Date : December 14th, 2011
地方幾骨子架, 就算人客多亦不會感到擠迫
修完甲又可以歎返杯花茶, 幾relax
做個簡簡單單的gel甲, 都不過係50分鐘, 省時方便
數一數手指， 原來我做GEL甲， 足足有4個年頭了。4年前的聖誕， 見同事們做GEL甲， 貪得意的我又跟着去做， 沒想過一做就是4年，從沒間斷， 這4年， 我更是幫襯着同一個美甲師， 認真長情。
4年間我可以話係追隨住呢位美甲師， 佢每轉一份工， 我都跟住佢，由佢剛學滿師， 到依家仔都生埋，只能老土地概嘆時間過得真係快。
生B後美甲師久休復出，我又再一次轉修甲地點， 今次佢嘅工作地點，就坐落係銅鑼灣總統商場對面，亦算就腳，唐3樓， 我年紀雖大但還能應付這些樓級。店舖的裝修頗為精緻， 歐陸式設計，白色為主調配上3盞大水晶燈，帶出點點高雅感覺，店舖同時可容納約10名顧客，最重要當然係美甲師手勢一流嘛，做個GEL甲， 一個小時內攪掂（當然係簡單款式唔係雕晒花個種啦）， 手腳同做又趕時間？兩位美甲師同時為你服務， 大約個半小時就可以扮完靚靚走人 ，貼心又周到。
Elegance Nail 銅鑼灣謝斐道526號3樓
tel: 2834 0338
Posted by yokipoon December 14, 2011 - 11:12 am
Date : September 22nd, 2011
細妹早年收養了一隻肥貓, 當日貓貓用作配種用，到沒有利用價值的時候，繁殖場的負責人就說要將貓貓人道毁滅，理由係唔想太多名種貓輕易流出市面。幾經辛苦，細妹先係鬼面關將呢隻可愛肥貓救出,沿用舊名字”豬豬”, 想起來已經是3年前的事情了。
性格溫馴o既豬豬，個樣矇盛盛，真係好攪笑架，佢最新力作係扮龍貓，傻得o黎又夠cutie, haha(唔好意思, 係咁讚添)，要幫佢攪多d造型至得呀
Posted by yokipoon September 22, 2011 - 12:09 pm
Date : September 18th, 2011
朋友將化妝比喻為畫圖畫，他認為只要懂得畫畫，妝， 自然化得好。但作為女性， 我當然不認同，畫畫是如實畫出，但化妝卻是隱惡揚善，不但要將面部輪廓一一突出，更要加上修飾，將略差甚至是不及格的五官執一執，近年網上經常出現一些化妝前後的對照圖片， 大家就知道化妝對女性來說有幾重要。
化妝課程動輒數千甚至過萬，未必人人花得起、捨得花，不過化妝師好友Elly Wong近日就幫化妝品牌Canmake擔任化妝班導師，每堂兩小時的課程，每次都會介紹一種化妝技巧，例如如何化一個日式妝容、如何畫眼線、或簡易輪廓妝等，無論對化妝毫無概念，抑或像我一樣略懂化妝，但總未能將自已的輪廓突出，都不妨TAKE幾個課程學習一下， 未能做化妝達人，但起碼能將自己最好的一面表現出來。
化妝班最難得之處是學費可全數換回Canmake的產品(會員$200，非會員$350)，學習化妝時又可免費使用化妝品上的化妝工具如化妝掃等，兩手空空就可以去上堂。
個人最滿意換左一款花花形吸油海綿，每包5片，每天使用一片，可清洗放乾再使用，美觀之餘，又不會像面油紙般完全吸走面部的油分，令肌膚太乾。
想知道嚟緊開咩班， 不妨參考以下網址:
https://www.facebook.com/#!/CANMAKE.MK
Posted by yokipoon September 18, 2011 - 11:09 am
Date : September 1st, 2011
中一的時候，由樂富搬到柴灣，工作後，公司由北角搬到柴灣，自此，我好像離不開柴灣了。
在柴灣好像工作了5年，及後轉工，新公司與舊公司竟然一街之隔。半年後，再轉工，我又回到北角了，但工作了半了，由於加租及空間不足兩種關係，我又再次投入柴灣的懷抱。
我與柴灣的緣分，實在是說不出的微妙，柴灣，我能夠脫離你嗎？
Posted by yokipoon September 1, 2011 - 04:09 pm
