您的位置：首頁 > Blog > more Blogger - Yoko Tsang
more Blogger - Yoko Tsang
  • 簡介:
  • 香港資深美容、時裝版編輯，精研最新醫學美容科技，通曉微整形奥妙與肌齡逆轉知識，沉迷鑽研喪食唔肥瘦身妙法，現為美容專欄寫作人及博客，著作《美肌瘦身秘笈》。
    任何美容、扮靚、瘦身、飲食、時裝問題，請盡量在這網誌留言，因郵箱收件太多，或會錯過你的問題。【電郵：yokotsang@gmail.com】
    (Facebook：香港美容專欄作家 Yoko Tsang)、（微博：http://t.sina.com.cn/yokot）
字體：A | A | A | A
Date : February 23rd, 2012

「泰」高興之無瑕底妝篇！(上)

昨天提到，明天我就會起程去泰國出trip工作，由於皮膚需要長時間化妝，所以兼具卓越護膚成分功效嘅底妝最重要，如是者，我精心挑選了以上5件產品，可以令皮膚滑溜無瑕。

心水Base：

Laura Mercier保濕抗氧打底霜(亮采配方)
Laura Mercier皇牌底霜出名潤而不膩、效果超貼薄，相信好多女性都親身感受過。
而呢款係2月初至新鮮出爐，與以往皇牌保濕抗氧打底霜foundation primer不同之處，是主攻「Radiance亮采」，打底乳液由故有透明色變成粉肉色，是加入了微細粉紅珍珠粉末，有效折射光線從而掩飾瑕疵細紋，塗上面帶點matallic的淡粉紅色光澤，自然地改善泛黄肌色，隱透健康光采。我最buy是oil free配方，質地清爽用得舒適，去到泰國天氣又熱又立都唔怕引致粉刺。仲有好幾種護膚成分可以高效抗氧化，如維他命A、C、E，對抗當地空氣污染。【$320】

心水Liquid fundation：

打好咗皮膚個底，上粉至會靚。搽咗LM新底霜，跟住係粉底液，我會帶備以下兩款：
最近極喜愛用的是以下這款，超級透薄水潤，打造通透美肌妝容—-
Alissi Bronte「透明質酸幼滑粉底液」
我在MORE專欄內重點推介的粉底新貴，俾足十個讚，西班牙品牌，打響有機植物護膚粉底名堂，敏感肌膚合用，巴閉在是西班牙電視台指定選用的「高清粉底」，備受當地明星及化妝師高度讚揚。感介乎精華素與乳液，水感十足，簡單以指尖塗抹，即能有效促進皮膚的柔滑質感、光澤及濕潤程度，仲有反地心吸力lift up輪廓效果；更重要是媲美護膚品功效，竟然能令皮膚愈用愈靚，不但沒有引致粉刺暗粒，皮膚仲更加滑溜。【$480／銅鑼灣皇室堡1樓103號店 3425 4002】

唔知點解，我出trip身體就會唔適應，經常食得多出得少，若然皮膚質素變差(如出粒粒)，就會用佢， 水潤得來較高coverage—–
cle de peau silky cream foundation 絲柔粉底霜SPF 20・PA++
請大家認定呢支外形，因為品牌出咗咁多款粉底，雖然都有化妝師讚好，但其實要有技巧至可以搽得靚；終於喺上年8月出咗呢支，我至會推介俾普羅大眾，因為零技巧都可以化到好好效果。粉底霜質地非常柔滑易推，唔易溶持久度極佳，最巴閉是加入「防止蜂巢油分」，至啱毛孔粗大皮膚用，唔會愈搽粉愈現瑕疵，仲有吸油粉末，可以減少油脂分泌，皮膚看來更細緻；當然唔少得我最關心的修護成分，是高保濕白百合精華及生物透明質酸等，可以填補乾紋。【$980】

明天再續……
———————————————————————————————————————————————
本週《MORE》專欄精采內容：
不可思議的日與夜精華液
供日與夜使用的護膚品基礎成分大大不同，各具療效目的，精華液是首要護膚步率先滲透皮下層，更有謹慎細分的需要啊！想知我心水推介的「日間抗氧化得獎王」及「夜間激活修復王牌」，詳情請留意今期《MORE》雜誌內我的專欄。
Posted by yokot February 23, 2012 - 12:02 amNo Comments
Date : February 22nd, 2012

「泰」高興！

今個週未，我將於泰國渡過！

 點解失驚無神會去泰國？是娛樂式工幹啊！多得舊公司《新假期》營業部邀請，促成今次這個有趣多fun的合作。
話說 DBS銀行 ，早前搞了一個簽賬抽獎活動，而得獎者只有一名！你冇睇錯，係得一名咁多，我自己也有點詫異，咁大間公司，搞個盛大活動，中獎名額只一個咁大把，唔係吓嘛？

 點知，一聽到份禮物嘅震撼性，你就明白點解得一名已經好足夠。
原來該獎品係可以帶埋 120 位朋友連機票酒店，去泰國玩三日兩夜呀！確實有諗頭！

 我聽完都窒一窒，surprise……咁筍！其實我都經常用DBS 咭瘋狂購物、豪歎美食…….希望下次得獎者係我啦，除咗搵朋友親戚們同行，必定會在blog及facebook廣邀讀者們搞個海外gathering呢！

 By the way，我雖然並非得獎者，今次很高興也獲邀同行，陪同得獎者及其120位朋友一齊玩轉泰國，同樣開心。
至於我今次去泰國的目的，稍後會同大家詳細分享，這將會是一個特別之旅，我早在過去兩星期已經做晒功課，認真得好似變成旅遊記者一樣，務求去到泰國可以感受一個豐富又特別行程，回來與大家分享。

咁啱1月《新假期》有曼谷介紹，知道有幾個新開shopping mall，未去先興奮呀！

今次之旅特此多謝DBS銀行的細心安排，讓我帶多位朋友免費同行，卻令我非常難抉擇，因為枕邊人有大project不便遠行，而好友衆多，揀邊個好呢？結果是我的好友Jojo，她勝在交遊廣闊，泰國都有friend，有地道老友帶路的泰國之旅，肯定好玩、好食、好買，yeah！不過我最擔心都係泰國既陽光！（我居然唔係擔心泰國的洪水 -_-” ）

 今次最大困擾是皮膚將會無得好好休息，因為我每天都要長時間化好全妝，day day都要影大量有關工作的相片。
最誇張係今個星期五要凌晨5：30到機場，進行兩小時拍攝工作，上飛機再影，即係話凌晨4點我就要起身梳洗化妝，搭的士趕去！！所以我已經book咗兩間beauty salon，在下星期一回來即做half day facial—-深層清潔、RF lifting、保濕導入，拯救倦容。

 預告：
因為今次出trip皮膚要長時間化妝，所以兼具卓越護膚成分功效嘅底妝最重要，如是者，我精心挑選了5件產品，可以令皮膚滑溜無瑕，明天再續……

———————————————————————————————————————————————

本週《MORE》專欄精采內容：
不可思議的日與夜精華液
供日與夜使用的護膚品基礎成分大大不同，各具療效目的，精華液是首要護膚步率先滲透皮下層，更有謹慎細分的需要啊！想知我心水推介的「日間抗氧化得獎王」及「夜間激活修復王牌」，詳情請留意今期《MORE》雜誌內我的專欄。








Posted by yokot February 22, 2012 - 01:02 am2 Comments
Date : February 21st, 2012

簡易速成眼妝！

最簡潔的眼妝才是我最愛！
說的是…..
淡粉紅色眼影＋ 煙薰黑眼線
不分時令不受潮流規範。

 很多女士們對粉紅色眼影又愛又恨，愛它加強青春氣息，卻恨它是加強眼腫疑兇！其實重點在於揀選之眼影粉不含閃粒子、質地薄滑、粉紅色調偏淺淡。

心水推介：Clé de Peau Beauté satin eye color #114，單塗在眼窩位，呈微粉紅色，
能輕輕遮蓋眼皮之暗啞色調，很sweet又醒神！

至於描劃眼線，液體、蠟質各具優點，視乎想襯托出什麼妝效；以晚妝濃艷為例，液體效果較實色，令眼線更奪目，我尤其愛黑中帶銀閃的；反之蠟質眼線可以做出柔和煙薰眼線，與日妝、春妝至合拍。
眼線筆–我以往強力推介過的是Bourjois Contour Clubbing pencil，貪佢易上色又夠黑，卻因為質地太軟，筆頭刨唔到好尖幼，線條難以描劃得極幼細。


 新歡登場……

Estee Lauder Pure Color Intense Kajal Eye Crayons in Dramatic Black $160

上星期開始試用呢支Estee Lauder最新推出的春妝限定產品，決定搶先介紹系列中的眼線筆，因為真係好好好用。先論筆尖，是異於常見的規格，特別修長且尖幼，輕易描劃幼細線條；此外，質地軟硬適中，容易上色及易於勾劃眼尾上翹位；色澤超級濃黑，用上古印度女士描劃深邃眼眸的顏料 Kajal 為靈感，出來妝效是dramatic black。
美中不足是筆身短而粗的設計，唔係幾好揸手，圖中顯示是新開封只用了五天，我會用透明蓋置於筆尾駁長佢！

描劃眼線三大要訣：
注意貼近睫毛根部，填補內眼線泛肉色位置、眼尾位微微剔高上翹。
想妝果更好：
根據眼形修飾，以我自己為例，喜歡眼珠對上線條最粗，
可以令眼形看來圓杏一點。

完成妝效：
掃上淡粉紅色眼影、描劃深邃眼線、貼埋假睫毛—
只須幾個簡單步驟就完成富神采日妝，至啱應付趕返工。

假睫毛—之前我推介品牌 gi＆gary ，$148／盒相當貴呀！近幾個月轉咗喇，現在喜歡的是品牌Magic Magic，大大話話我已經用咗6盒，雖然都知唔算平，勝在夠挺身、夠黑、又自然，同埋呢個款是中間長兩邊短啱晒我心水(相中示範型號是#C02) 約$118／盒。
———————————————————————————————————————————————
本週《MORE》專欄精采內容：
不可思議的日與夜精華液
供日與夜使用的護膚品基礎成分大大不同，各具療效目的，精華液是首要護膚步率先滲透皮下層，更有謹慎細分的需要啊！想知我心水推介的「日間抗氧化得獎王」及「夜間激活修復王牌」，詳情請留意今期《MORE》雜誌內我的專欄。








Posted by yokot February 21, 2012 - 01:02 am9 Comments
Date : February 20th, 2012

我的電子煩惱！

用邊款邊隻牌子化妝品、去美容院揀乜facial treatment揀乜機去做，護膚有乜好等等問題，我都應付自如，甚至不會因此而感到煩惱。
之但係，最近我就有好些真係唔知點揀的煩惱？？？
事緣最近需要買幾件電子產品，包括：Laptop、DC同電話。
Laptop係最容易決定的，因為我只有一個要求就係輕巧，這方面以MacBook Air最出色，也沒有甚麼其他選擇，左右我這個決定。

 DC的話，我本身就係Sony的支持者，年多前買下的NEX-3……

到今日仍未不離不棄經常伴著我工作，確實好使好用，影得出色快門又爽。
尤其防手震技術，我俾100%讚，單手影相完全無問題！

只係因為Panasonic GF3的出色，曾有一刻令我心動改投GF3懷抱。但新一代Sony NEX-3同NEX-5N，感覺同我現在的唯一分別係輕巧了及像素高了，好似不值得為此而去換。現在NEX-7上場，用過的朋友都話係一部交給職業攝影師去工作都冇問題的好相機，結果個心就去了NEX-7。但近來又俾我搵到一個更好的選擇…….

我嘅新歡就係……全球至無敵輕巧可換鏡頭相機，
下次有機會再詳講，及分享由佢拍攝出嚟嘅靚相。

最後係手機，原來手機先係最難的抉擇。
我究竟應該由iPhone 4升級去iPhone 4S、定係轉投Android的懷抱？
轉用4S，使用經驗完全冇問題，但總係覺得欠缺新意，Siri語音搜尋系統非我所能應用，除了800萬像素鏡頭影的相靚過iPhone 4之外，買機永遠冇現貨，一係排隊買或上網登記再等去買，一係用炒價買，購買方法如此複雜都仲係有咁多人去買，我沒法理解。

好啦，一於轉去用Android，夠多選擇啦，但其實係冇乜得好揀，個個都話買 Samsung，一係Galaxy S2、一係Galaxy Note、再唔係就Galaxy Nexus。Note我自己就一定唔會揀，太大部啦，大到成部機冇晒美感，影相時好似拎起塊磚頭，我自己亦冇手機煲劇的習慣，大芒於我而言發揮不到其他功能，所以身邊朋友極力推介我買 Note，我也不為所動。

 S2同Nexus二選一都係一件麻煩事，我自己大約用了十日去理解呢一回事，S2所用的Android 2.3系統，同Nexus所用的Android 4.0系統，有乜分別？我冇意去理解數字背後的含義，照數字的表面意義，系統數值愈大，自然代表愈新愈好愈多改進，但為何大家都話2.3好用過4.0？又話Nexus滯銷唔夠S2同Note好賣？到底係點架？好煩囉！淨係睇見Samsung自己的手機都可以咁鬼打鬼，又令我覺得 Apple 簡簡單單咪幾好，係咪應該買iPhone 4S算數？

就當我在百老匯counter前面左度右度之際，就畀我見到部新Prada Phone by LG 3.0，立刻叫sales拎來睇睇，OMG！我就係想要一部好似 Prada Phone咁薄的電話之嘛！機身設計及線條都比所有智能電話出眾，芒又比iPhone大，有成4.3吋，手感so good背面質地特別設計唔易跣手，all I want is a phone like this！
連售貨員哥哥都靜靜地從他的褲袋取出一部Prada Phone同我講：「我自己都係用佢，少人用，唔怕撞機款。」
唉，就係你呢一句，我又打退堂鼓啦！Prada即係代表fashion即係會換季換潮，會唔會一年未夠就會被人嫌老土過時？Prada Phone咁小眾，即係日後變身被裝飾的機會最細，唔似我部iPhone，雖然人人都用，但人人都有不同的風格去幫部機變裝，一日Prada，一世都要係Prada，變裝機會係零，變到都唔慌會靚喔！

 呢一年來，我部iPhone都變裝過四、五次，難道，我真係走唔出iPhone之路？！

———————————————————————————————————————————————
本週《MORE》專欄精采內容：
不可思議的日與夜精華液
供日與夜使用的護膚品基礎成分大大不同，各具療效目的，精華液是首要護膚步率先滲透皮下層，更有謹慎細分的需要啊！想知我心水推介的「日間抗氧化得獎王」及「夜間激活修復王牌」，詳情請留意今期《MORE》雜誌內我的專欄。
Posted by yokot February 20, 2012 - 12:02 am3 Comments
Date : February 17th, 2012

獨家豪送萬元禮品—英國RIO家用激光及彩光脫毛機

體毛代表性感？哈哈，可能只限男士胸口嗰撮，女士們皮光肉滑才是最誘人。

坊間脫毛方式有好多種，任君根據budget、對應膚質選擇，old school方法如靠蜜蠟、脫毛膏、剃刀片、用鉗拔；high tech的方法則有電動脫毛器、激光及彩光熱能療法。

今次我想講解的是high tech範疇，之不過，並非引薦大家去邊度邊間美容院做脫毛，而係介紹家用版「激光永久脫毛機」及「彩光脫毛機」，即係無須假手他人，自己幫自己脫，又或者甚至乎幫埋屋企人脫都得，如果屋企有幾姐妹成員就最能物盡其用喇！

而我今次一反常態，在還未正式開始試用實物的階段，已經在此作簡單解構，因為….我準備咗兩部家用光學脫毛機送俾大家呀，齊齊同步試成效，脫脫脫，趕及皮膚滑溜迎夏日！特此多謝代理商捷成洋行對我及讀者們的厚愛！！

送出總值近萬元大禮是：
英國 RIO Scanning x60 Laser 激光掃描x60脫毛器
價值 HK$4,880
提供5種強度級別選擇，輸出 808nm安全激光，標榜在數秒內掃描並脫除多達60根體毛（以每個護理部位而言），適用範圍包括面毛、腋下、手臂、腿部及比堅尼線。

英國 RIO IPL Hair Remover彩光脫毛器
價值 HK$4,880
將裝置頭緊貼於皮膚上，彩光脈衝將能量直接輸送入毛根，從而阻止生長，毛髮是循序漸進式脫落；能進行大面積脫毛，例如腿部、手臂、腋下、比堅尼線及背部等範圍。

相信大家對於家用版光學脫毛機會抱有種種疑問，而家就讓我簡單講解：
Q) 家用版光學脫毛機安全嗎？
RIO品牌的家用美容儀器獲歐盟安全認證，這英國廠商一向是製造醫療級高水平器材，部分供醫院使用的，而近年推出一系列美容小家電，技術無容置疑，絕非品質欠保證的平價貨。否則，唔使錢送俾大家都驚毀我聲譽啦！
Q) 光學點解可以脫毛？
光學治療以「選擇性光熱分解」作治療原理。而彩光及激光脫毛原理是令毛髮吸收光源，以熱量破壞毛囊，根除或減少毛髮生長。
Q) 彩光及激光脫毛有乜分別？
激光可達致永久破壞毛囊，令毛髮永不超生，這成效是指須完成為期每月一次，共五至六次的療程。而彩光則可阻慢毛髮生長，令粗毛變得愈來愈幼，繼而使之脫落，但脫毛效果並非永久，優點是同步有嫩膚功效，令皮膚滑溜更勝從前。
Q) 這些家用版儀器能量足夠嗎？
家用版儀器能量當然不及美容院的，一般來說，成效會較慢，但在設計上極注重安全度，確保家中自行操作也有保障，當然也能達到一定功效水平，以RIO「激光掃描x60脫毛器」為例，是輸出808nm較安全且具療效的激光。

———-
大家想獲得以上兩部總值萬元英國RIO家用脫毛機嗎？！
請即參加以下遊戲，當中官方會多送出四部呀！
即我嘅blog readers可享6部中獎機會。
玩法如下：
Step 1：
請大家先到RIO Facebook page俾個like：http://apps.facebook.com/rio-fbpc/?ref=ts

Step 2：
然後 click 入 front page 左方—「RIO夏日小遊戲＋抽獎活動」，有詳細講解。
Step 3：
睇清資料後，click「上載圖片」參加「夏日氣息」徵相比賽，而朋友仔like你張參賽相，都有機會連帶獲獎呀！
***由於我的blog readers可享額外機會，得到我送出的兩部 RIO脫毛機，緊記在參加表格上姓名欄目加上我的名字，作為標記，eg XXX XXX XXX (Yoko)
結果將於3月1日，在我的blog及facebook(香港美容專欄作家 Yoko Tsang)內公布。
祝大家好運！敬請躍躍參加！
———————————————————————————————————————————————
本週《MORE》專欄精采內容：
星級醫生調配「美容點滴注射」
吊鹽水都可以變靚？今次講解的是加入營養成分的「美容點滴注射」，目標是令肌膚美麗與身體健康兩者兼得。詳情請留意今期《MORE》雜誌內我的專欄。


Posted by yokot February 17, 2012 - 09:02 am8 Comments
Date : February 16th, 2012

解除疣危機 — 終極脫疣法

其實早已收到你們的留言，知道大家都好擔心自己及屋企人被疣肆虐，想知道有咩終極辦法解決；至於我遲遲未出這篇解決方案文章，就係要搵齊資料，make sure邊個方法最見效又最安全，仲要幫大家商討優惠價呢！今日終於有結果分享喇！

疣屬於過濾性病毒之一，其傳染性非常高，擴散得非常快！
重溫請click：解除疣危機 — 脫疣方法
唔想面上佈滿疣，被拖垮外貌年齡，及影響皮膚抵抗力，絕對務必正視，時刻警惕自我檢查，一粒都不能讓它僥倖生存！

以目前的醫學美容技術，坊間去除疣主要利用激光（Laser）、舊式美容院則用熱力「辣雞」、只有為數極少醫生採取手術射頻（Radio Frequency）。

點揀？有理由相信，一分錢一分貨，因為有好多人辦脫疣後不久翻發，甚至乎出得更多，有醫生以專業角度告知我，如採用光學療法，對於大粒的疣有機會出現未能斬草除根，而疣的潛伏期是9個月，所以會翻發；至於完成脫疣後反而出得更多，極大可能性係過程中皮膚受疣細菌感染，即是操作者唔小心，連累無辜。

為保護你們的容貌，防止脫疣得不償失，以下建議會是我認為最有效的，但非最便宜啊！
它就是高溫射頻，此乃小手術，須由醫生操刀。


過程是先在疣患處塗上麻醉膏，待15分鐘麻力生效後，好似被幼細針頭燙一燙，即時止埋血，疣就成粒除下，留下一個淺淺的傷口，期間不可沾水並要搽消炎藥膏，待兩天後結痂，約七日後剝落，才大功告成。此時傷口部位復完的皮膚會呈淡粉紅色，随日子會變回均勻，當然若配合IPL、laser facial或peel換膚，會令膚色更快回復。

好處是醫生可以憑經驗視乎疣根的深度，徹底去除；兼且同步止血，防止出血過多。

 然而，此方法聽來容易其實要做得好卻非常有難度，稍有差池有機會拔得過深，傷及健康組織，反之也有機會拔得過淺，即是不能斷尾。

OK，咁即係搵邊個好先？千辛萬苦，卒之請到我御用兼低調的「彩光之父」出手！
我真係講到口水都乾，至搵到「彩光之父」俾我公開寫佢，先著實怕高調，而且已經忙到喘不過氣。而我老公面上曾經出過的廿幾粒疣，就係由他出手處理，我哋親證成果very good，堪稱「去疣聖手」，呢個牌扁，真係雷打都唔爛呀！
何況，脫疣實在是經驗之談，成不成功靠經驗，包括判斷疣的深度，以及落手的純熟度！以他的8年經驗及超凡技術，佢脫疣就好似美容師幫客人清黑頭咁easy！

而大家亦必需注意，假如胡亂脫疣、或使用技術不當，就有機會出現反黑，或甚至凹陷疤痕。
所以，我認為價錢不是決定最重要因素，是要找信得過且富經驗的治療師／醫生，還有，術後自我的悉心照顧。

射頻手術脫疣真實例子：
(多謝「彩光之父」及兩位X小姐提供相片)
相中可見X小姐面側佈滿密麻麻迷你疣，唔夠仔細都會睇漏眼呀！如此密集，是因為自身迅速傳染。
右圖是完成射頻脫疣的四個月後拍攝，可見只留下已平伏的淡淡印痕。淡
呢位X小姐面上的疣超微細，要一粒疣都無得留低係非常惡搞。
無須多講，睇吓佢而家塊面珠又白又滑無瑕狀態，果然有心就事成！

Q：是否做一次脫疣手術，便一了百了？
那很視乎疣的數量及範圍體積。
普通廿幾、三十細細粒都一次可以嘅，例子有我老公。
若然疣太多兼佈滿全面的，要將額頭至下巴分成三部份做，因皮膚組織部位不能同時有太多損傷，會很容易感染發炎。
有的不是顆粒狀，而係串連成「一幅過」，亦不能一次割至根部連根拔起，因為深至真皮層，破壞纖維組織，會凹陷兼有疤的。
————————————————————–

手術射頻脫疣
Yoko’s Blog readers 優惠價 *$4,000／ 次【原價 $5,000】
免除醫生會面診金 【價值 $500】
*價錢或會因應療程所需次數遞增
窩心建議：大家不妨先約見Dr，聽取意見核實自己皮膚問題才作決定，皆因已為大家爭取了免費資詢會面嘛！

Inner Beauty
銅鑼灣駱克道 492 號順禧銅鑼灣中心 18及19 樓
預約電話: 2893 8368、2893 8828
———————————————————————————————————————————————
本週《MORE》專欄精采內容：
星級醫生調配「美容點滴注射」
吊鹽水都可以變靚？今次講解的是加入營養成分的「美容點滴注射」，目標是令肌膚美麗與身體健康兩者兼得。詳情請留意今期《MORE》雜誌內我的專欄。
Posted by yokot February 16, 2012 - 01:02 am5 Comments
Date : February 15th, 2012

點解要分日霜和晚霜呢？(續)

成個月前，我寫咗以下呢篇blog，唔知大家仲有無印象呢？
重溫請click：點解要分日霜和晚霜呢？
至現在才續下文……. 因為女人天性發作—「三心兩意」，有太多好用產品適合對號推介，好難決擇啊！其實在此文出咗兩星期後，已收到讀者按捺不住的留言：「好想知有咩日霜和晚霜推介啊！點解仲未有下集？」
Oh！我有壓力，真的不好意思再拖。
-
立即推介產品：
心水日霜！
Murad White Brilliance Illuminating Day Moisture SPF30 Pa+++
日間修護亮肌霜 $690／50ml (Joyce Beauty有售)
這品牌是由美國皮膚護理博士 Dr Murad 創製，我最初是試用其皇牌產品 Murad essential-c daily renewal complex，細細支精華液成六百幾蚊啊，可以話滴滴皆珍貴，標榜四星期有助減少幼紋達17 %，顯著改善肌膚彈性，及有效刺激膠原蛋白。試用咗一支效果都唔錯吖，膚色均勻及細緻度有提升，不過因為有太多嶄新精華素面世，而佢又未至效爆炸性好，所以無keep住買咯！
下星期一《MORE》我的專欄內，會推介兩支勁得serum，大家可密切留意！

言歸正傳，點解我會推介呢支Murad日間修護亮肌霜？因為我願意用足幾個月了(證明有好感)，當然不是日日都用，稱得上效果好good。蘊含抗氧化物及PA+++，有效為肌膚抵擋陽光及游離基的侵害；維他命C增強皮膚抵抗力及有助減淡色素。
塗上後即時感覺：以具防曬30指數產品而言，質感算係好薄(緊記用極少分量便足夠coverage全面連頸)，提供恰度滋潤不焗促。
當塗上一整日：感覺依然舒適，保濕度足不會現乾紋也有助水油平衡，最啱如我這類混合性肌膚。
含有珍珠粒子添光澤，可以令毛孔及乾紋看來變得不著迹；乳液微微泛白幫助明亮膚色。

心水晚霜！
Vichy LiftActiv Derm Source Night Cream $360／50ml (銅鑼灣廣場1期G03號店))
早有研究指出，每晚11時至凌晨3時是人體新陳代謝高峰期，乃修復受損肌膚最旺盛的時候，強效補給晚霜擔當重要角色。
我推介Vichy呢款night cream，主因是成分強且功效全面但唔刺激，敏感皮膚啱用，成為我身邊好多敏感皮膚朋友的選擇。
這晚霜一瓶多效—可以徹夜修復細胞，加入抗衰老成分鎂＋維他命C醣苷倍，增加膠原母細胞數量，強化皮膚彈性；同時間又有溫和果酸成分去除老化角質，幫助表皮層更生，及令營養更滲透；當然唔少得法國礦物溫泉水，幫助控制敏感情況有晒研究報告實證。
Cream狀質感頗豐厚及豐潤，塗在皮膚後會泛起滋潤光澤，這是來自天然乳木果油和杏仁油，非化學成分，不怕block毛孔，
適合乾燥天氣和乾性肌膚使用。若然喜歡清爽面霜就唔啱feel喇！

———————————————————————————————————————————————

本週《MORE》專欄精采內容：
星級醫生調配「美容點滴注射」
吊鹽水都可以變靚？今次講解的是加入營養成分的「美容點滴注射」，目標是令肌膚美麗與身體健康兩者兼得。詳情請留意今期《MORE》雜誌內我的專欄。
Posted by yokot February 15, 2012 - 12:02 am3 Comments
Date : February 14th, 2012

「抗衰老檢驗」第二回

上星期三在這裏介紹了一個由名醫Dr Law主理的「抗衰老」檢驗。

有點意想不到的是，結果獲得瘋狂的查詢，大家不單在blog中留言，更甚者，大約有50多人直接send email炸我郵箱，問我詳情、地址同收費，證明抗衰老，的確是非常之吸引的話題。

不過，只有最初的少數人獲得我的回覆。

原因不外乎，價錢一點也不便宜！此乃其一。
第二，我連自己的樣本也未收集完(因為正值服食中藥調理，想稍後才進行)，檢驗報告仲未有，結果如何，是否有根據，隨後的配套是怎樣，或最基本的—係咪真係有效用，幫到自己又幫到別人呢？

部分獲得我回覆的，只是我經不起你們的努力不懈查問，其實我心底裏最希望，係等我完成整個檢查，得出結果後，才作詳細公布。甚至是等我問清楚個價錢先，因為呢筆錢真係長命數，每次都要收費，單係Dr Law的首次consultation fee已經係城中頂級價錢，還未計檢驗費，仲有之後的對症抗衰老補充劑費用又係點呢？
我自己都未心裏有數！其實最怕呢D唔清唔楚的數口，務必謹慎了解才告知大家啊！

請大家俾D耐性，等我做晒成個檢驗，寫番個report俾大家睇睇，先決定做定唔做啦！^_^

如果你真係等唔切，其實上星期三篇blog已經有晒hints，今個星期《MORE》雜誌專欄內就有我在 Dr Law診所做的另一項療程推介—

「醫生調配 美容點滴注射」！
買本今期東地《MORE》睇睇，就可以立即知道答案喇！
建議大家有興趣養生及養顏，由內調理靚到外，不妨先做這個點滴，確實有效。
一步一步來啦！

仲有喎，若然等我試過好—-意指「抗衰老檢驗」，自不然會盡我所能，為支持我blog的讀者爭取折扣優惠嘛！
哈哈……若果你哋視錢財為糞土，就即管而家去馬啦！

今日星期二，祝大家工作狀態漸入佳境！明天再續分享美容。

———————————————————————————————————————————————
本週《MORE》專欄精采內容：
星級醫生調配「美容點滴注射」
吊鹽水都可以變靚？今次講解的是加入營養成分的「美容點滴注射」，目標是令肌膚美麗與身體健康兩者兼得。詳情請留意今期《MORE》雜誌內我的專欄。
Posted by yokot February 14, 2012 - 01:02 am6 Comments
Date : February 13th, 2012

我知道你正在期待……

一般我身邊的朋友，初相識或深交，又或者對成為blogger有興趣的人，甚至上星期訪問我的903 DJ，普遍認為每星期寫足五日blog，真的有這麼東西可以分享嗎？

而我一般都會答：要寫，寫足七日都可以，有關美容的題材（其實不單這個範疇，任何一個類別都有數之不盡的題材），又多又新，每日不斷有新產品新技術誕生，直情唔憂寫。呢個答案從我在雜誌工作的年代開始，已經係咁答。

具體一點去形容，就等如去街市買餸，每日都有新鮮材料，有時會有好特別的材料，又有時會有罕見有機材料，甚至間中有飛機空運食材。而你，就係盡一個廚師本份，只要有出色技巧同純熟技術，化腐朽為神奇又得，煮得零舍醒目過人又得。
最多遇著「打風落雨、天災人禍」，巧婦難為無米炊，咁就成個星期所有廚師都冇嘢好煮，成個飲食界都被迫食得清淡無味咁解！

可惜，以上都不是目前我的最佳答案，每日五篇風雨不改，唔係以上的說法可以百分百準確地形容我，直至上星期六看到《信報》王迪詩的專欄，這個就是我目前的最佳寫照：
我寫作的力量，就是知道，有人正在期待我的寫作！
曾經有讀者在這裏留言慰問，因我在某幾日突然沒有post blog(去了與世隔絕無得上網的峇里某resort)，便留言關心我是否身體不適。我自己最初是不以為意的，當然，心裏極感激你們對我的愛護。
直至以下事情發生，才了解到…..
我自己也是每週六看《信報》Daisy Wong專欄的人，後來發現聖誕及年尾的週六，《信報》突然沒有了Daisy，那時候她剛自爆身份曝光，我自己也擔心她是否因而呈辭。以我對她的「了解」（文章上），她不是會因壓力而呈辭的人，《信報》也不會因她並非律師而刪其專欄吧！究竟發生乜嘢事？於是到她的facobook及微博翻查蛛絲馬跡，才得知她要請三星期大假而脫稿，我才呼一口氣。
-
今次看到這篇專欄，就發現獲得別人的期待，原來是一種幸福，我，原來身在福中。

於是乎我明白，我花最多時間找尋合適的美容產品、療程給大家，亦因為你的期待，我更加不可以馬虎了事，甚至胡亂推介。
近兩星期介紹了非常多的療程及產品，就給你們多一個星期去消化下。至於上星期各方的留言、問題、查詢，即將會在blog中盡量解答，包括各位最關心的

「醫學療法—「抗衰老」檢驗！」
「疣–解脫辦法！」
祝大家有個愉快的週一，通常週一，都未正式進入工作狀態。

———————————————————————————————————————————————

本週《MORE》專欄精采內容：
星級醫生調配「美容點滴注射」
吊鹽水都可以變靚？今次講解的是加入營養成分的「美容點滴注射」，目標是令肌膚美麗與身體健康兩者兼得。詳情請留意今期《MORE》雜誌內我的專欄。


Posted by yokot February 13, 2012 - 12:02 amNo Comments
Date : February 10th, 2012

補水、儲水、鎖水 「牛肝菌」基因面部護理！

大部分美容品牌都是靠零售起家的，用上龐大金錢數字力谷宣傳，而只有極少數品牌能夠單單在spa界打響名堂，從來甚少廣告只靠口碑實力，這類低調派是我今日想講的。

那就是Sothys，產自巴黎有60年歴史，設有自家植物研究中心，其facial在行內知名度甚高，而我知道很多美容傳媒人也喜愛做這品牌的facial，就是因為舒敏效果出色，保濕軟化皮膚顯著。簡單直接的保養肌膚宗旨，不同膚質也受用。最緊要係，有如此功效，價錢卻大衆化！

還記得，上年我在北角某beauty salon試了Sothys當時新出的雙重緊緻抗皺護理，效果好故此也曾作推介，更為大家爭取了trial price；新一年，我在另一間beauty salon再試到它的嶄新facial，隆重登場提煉成分是「牛肝菌」，不是要嚟食的嗎？我起初也有這想法，下文自有分解。

今日推介大家一試 Sothys 呢個嶄新facial「基因智能水分精深護理」，是專為極乾燥及敏感肌膚解渴，用上科研基因技術，提煉出衆的「牛肝菌」保濕配方，從而促進蛋白質，令水分在肌膚細胞加倍提升，我至讚是過程配合獨特通淋巴按穴手法(意想不到的是破天荒在paper mask上按摩)，枯乾臉與包包臉必定讚好！

我初次體驗，已對這間beauty salon留下極佳印象，大家睇吓環境相就知點解：

(注意：這美容店設有男女賓，男士也可試做啊！)


我今次首次踏足的Megeve beauty，環境大又靚，
位於銅鑼灣希慎道一號，全層成6,000呎，會迷路呀！
加上咁型格局，又鋪晒地氈，舒適到想住喺佢度添！

唔止環境靚，仲有真材實料，美容師在做facial過程認真又細心，最緊要係按面技術非常獨到(有時頗痛但激讚)，出力唔hea做，所以完成護理後，皮膚潤住靚、軟住彈。
我決定會再深入了解呢度嘅所有醫學儀器和面部護理，發掘到好嘢，他日再同大家滙報。

Sothys「基因智能水分精深護理」

Step 1：潔淨更生
卸妝及潔臉後，敷上Soths新出的「柔滑脫屑霜」—-甜杏仁蛋白結合絲氨酸，幫助退走老化角質，呢款peel比舊有嗰款感覺更好，睇埋下圖就知點解……
敷咗5分鐘，跟住只須在乾面上配合極輕柔摩擦，嘩…..老化死皮如一堆堆擦紙膠碎般連帶褪出來，勁在過程中絕無半點繃緊，完成後觸感仲異常滑溜！(我當時即查問欲購買此Sothys脫屑霜，可惜回覆是美容院專用，Oh可惜！)

Step 2：針清修眉
Facial仲有細心服務—包修眉，男士至啱！
修眉時我皮膚貼住好多彷如膠布的，敷緊D乜？其實係消炎水，殺菌鎮靜剛剛針清了的部位。

Step 3：保濕浸浴
第一注水主角出場—將含有玻尿酸、甘油等高效保濕營養精華露滲透在壓縮纖維面膜紙上，
不是單單覆蓋在面上咁簡單，而是配合……
在面膜紙上穴位指壓？是 啊！我都係首次體驗，按穴有助通淋巴帶走毒素，同步令面膜中精華液滲入肌膚。
過程中每按一下feel到皮膚非常濕潤。

Step 4：基因按摩
第二儲水主角「牛肝菌」出場喇！此按摩面霜透過基因提煉，將「牛肝菌」中的天然保濕因子
及絲聚合蛋白精挑而出，重組細胞鎖水力，按摩後我的皮膚滋潤飽滿感覺頗持久。
特別一讚幫我的美容師手勢 excellent，按面技巧超熟練，簡直係通淋巴妙手，懂得指出我面及頸部肌肉緊實及淋巴不暢通部位，從而作出針對性解決，由於到位所以過程頗痛，但好值得忍呀！


Step 5：補水、儲水、鎖水
第三鎖水主角是這豐盈面膜，由精華液混合營養粉及數滴珍貴奧米加油調配出來，目的是築起鎖水薄膜，敷上時感覺很冰涼，即時為皮膚降温(因為之前的按摩過程，令血液循環加快皮膚暖熱的)，一熱一冷也有助緊緻毛孔。
結果：十級滿意呀！
光學療程後、受敏感困擾、嚴重缺水必試，我正正是做RF後第二天試這facial，保水亮澤
效果出乎我意料之外，會keep住做。男女皆宜！
窩心服務：每日提供自家煲滋潤湯水或養顏茶。
我當天是薏米水，幫助去水腫及美白。
—
Yoko’s blog 男女 讀者尊享 獨家優惠：
Sothys「基因智能水分精深護理」試做價$380 /60mins
(原價$1,200)
條款細則：
預約時請說明是Yoko’s blog讀者；
男女皆可；
只限首次惠顧者。

Megeve  Beauty and Medical Centre

香港銅鑼灣希慎道1號20樓
預約電話：2591 6128

———————————————————————————————————————————————

本週《MORE》專欄精采內容：
全城熾熱 「三元素根根飄眉法」
有誰不想擁有精緻濃密眉毛呢？！今次講解的「三元素根根飄眉法」就是美眉救星，針對性拯救眉毛稀疏、鴛鴦眉、斷眉，效果以假亂真。詳情請留意今期《MORE》雜誌內我的專欄。

Related Posts with Thumbnails
Posted by yokot February 10, 2012 - 12:02 am19 Comments
« Previous