兔年大潮拜！
首先祝大家新年快樂，兔氣揚眉！
過新年買新衫的傳統，是我由細到大的習慣，今年亦不例外，更因為上星期身在日本，買新衫過新年順理成章移師到日本喔！
今年潮流有毛大晒，在日本亦一樣，大街小巷男男女女全部毛毛上身，彷彿有毛就潮！
不過不是所有毛都適合所有人，以我所見，很多 fake fur大衣都非常臃腫，就算我身形纖瘦都會著肥個身！千揀萬揀，終於在涉谷 0101 JAM 一樓找到一件非常合身、不臃腫的仿兔毛褸，合潮流之餘亦不殺生，更重要係激安，原價￥43,800減至￥13,800，一試上身簡直 fit 到不得了，從未試過毛料都咁貼服，真係非我莫屬呢！
可惜一件咁靚的褸，已經係最後一件，好幾位睇過的朋友都想我幫手買，不過唔知 0101其他分店仲有冇，因為我呢件當時已經係 display 那一件。
毛毛單品亦不止一件，還有呢一對兔毛羊仔皮手套，呢一個組合在香港肯定好罕見，更出乎意料之外的是，這是我喜愛的 Jill by Jill Stuart 出品，原價只不過￥6,195，減價後只係￥3,097，即是 $300咋，梗係冇理由唔買囉！(涉谷 0101 JAM 一樓)
不過呢類重型防寒手套，在香港確實很少機會用得到呢！已決定瑰贈即將生日的好友……
———————————————
本週《MORE》專欄精采內容：
迷上增大眼 植睫毛術
身為女性，也不得不佩服大家的天性！
為咗靚，甘願奉上無限金錢與時間，當中最令女性不能自拔的貪靚手作是——植眼睫毛、gel甲、電熨染髮，一做可以三、五、七個鐘，一觸即發無得斷尾……迷上癮！
今次想講的是女生頭號貪靚玩意——植眼睫毛，請留意今期《MORE》專欄。
ＹＯＫＯ，新年快樂呢！祝你永遠都甘靚同開心！
我想問下，我想通淋巴，有冇好介紹？
同埋Teddy 電髮ＯＫＡＹ ＭＡ？
因為我想電Ｄ 好natural 果Ｄ ＣＵＲＬ！
THANKS
Hi Yuki Kwan: Happy rabbit year! 在 Teddy 的Salon電髮會由專業技師負責，但Teddy可以俾到意見點電及因應你的髮質去處理電髮效果。通淋巴可以去銅鑼灣Inner Beauty，仲可以沖涼。
兔年快樂！件兔毛褸真係好靚又trendy ! 雖然冇得買, 但睇下都好啊(滿足眼睛的虛榮心,哈哈!~) Thanks for sharing ^^
Hi Cherry: Thank you!
你件褸好靚呀～～我都好鍾意去日本．．真係去極都都唔會厭．．不過而家啲ｙｅｎ太貴．．真係最多一年一次好啦，仲要等特價月（1月&7月)先去～～
另外想問下你有咩眼霜好介紹呢？？？
Pretti Pretti….You always get the best Yoko..
Btw..i need to ask your suggestion, when u wear UGG boots with tights/socks..Do you have problems where the flurries from the boots got transfer to the tights/socks after? Do you know how to prevent this problem?
Hi Gigi,
係呀，yen真係好貴，所以今次shopping時非常緊謹，好在激安至買到合心水又合價錢嘅靚衫靚袋咋！
眼霜好介紹： Borghese 新出無耐的「活顏無痕緊緻眼霜」抗醣化同埋抗氧化、去紋保濕都很好，至緊要係大牌子、瑞士造，都只係四百幾蚊……抵用！
Thanks
Hi Kirsten,
咦！點解我今次日本之旅日日著住UGG＋棉襪都無你提及的問題發生呢？！
不好意思呀…..don’t know how to solve ur problem！不過官方謂正確著法是著鞋唔著襪的，哈哈……但我都接受唔到囉！
唉唔通只有我有這問題？係咪唔應該著絲襪？我有幾對己痴滿白色毛毛！好慘呀
yoko: 祝你心想事成, 新年快上, 日日都咁正!!!!
Hi KKIT: 免年快樂，一天靚過一天，每天都快樂！
又高又thin 著咩都靚!