美容問題難我唔到，但美白牙齒，就的確有點難度！
因為牙齒是由琺琅質組成的硬物，不像大家可以搓圓撳扁的身體、或可修復更生的皮膚。

我非常喜歡潔白的牙齒，很羨慕一展開笑口便有白得反光的美齒，只可惜小學時期有哮喘，食舊式抗生素多，所以令到牙色微黄，如是者呢幾年我近乎試勻晒市面上的美白牙齒產品。
例子有：
美白牙膏：如實講係冇乜實際作用。
美白潔齒粉：曾使用個多月，沒有點樣白淨過，但用後牙齒的確較潔淨。
美白牙貼：貼了兩天，很難受的兩天，由於牙肉非常敏感，連說話時有風吹入口都會感到赤痛，馬上停用，結果白不了。
專業版藍光：一個非常之累及畢生難忘的過程，由專業牙醫主理，但要張開口近兩小時令牙骹位好累，回家後仲慘，一整天不能說話、食唔到任何東西，甚至流淚添，因為我牙肉敏感非常嚴重，赤痛到極點。但辛苦有回報，牙齒立即白了幾個色階，可惜維持不到一年，唔敢再做第二次。
家用版藍光：由於有專業版的理想回報，聽說家用版的無咁辛苦及易用，仲有防敏感配方，只需連續7天，每天15分鐘咬住一個「藍光器」，好像吹哨子一樣就可以。結果真的沒刺激赤痛，但牙齒只白了兩個色階左右，且非常不持久，可能因藍光能量較低之故。


就憑我以上經歷，我對牙齒美白的經驗不比我的美容智識遜色！只要能白，我也願意一試！
終於，我決定做終極法，就是有「明星白」外號的「牙貼面」！原理很簡單，就是在牙齒外層如「貼紙」般貼上瓷牙貼片，確保最白最整齊，仲係永久性的，可以keep足二十年以上。

上網查看資料，選定了最大規模、最俾到我信心的 Glamsmile 愛威白，是歐洲比利時著名公司品牌科技，仲係唯一做到3D設計，即是效果更立體自然仿真度高，我一係唔做決定做就要揀最好；有理由相信回報肯定很迷人，但投資金額相對亦是最大，經心思熟慮後，我要坐言起行實行美齒大計呀！

三星期前，我首先相約牙齒專家及專業牙醫進行會面，由牙齒專家先確定我嘅牙齒是否適合做牙貼面，例如有爆牙、牙齒嚴重不整齊的，都有可能必先做矯正牙齒工序，即係箍牙。
好在，我的牙齒被評為尚算整齊，只是門牙較為大了點，是扣分位喎！如果牙形比較差， 咁就仲啱，我上網睇知道Glamsmile 牙貼面除咗可以令牙齒變白外， 更重要係同步改善形態，例如牙縫疏都可以完全變密齒呀，一舉兩得…..在相學上而言也就少招口舌！

然後到專業牙醫出場，戴咗口罩都feel到佢係俊男一名…..haha！檢查牙齒後會做簡單修正牙齒工序，目的是修飾長短令牙齒更整齊更靚，有需要的話也要車牙，即是令牙齒細隻少少，我部份牙齒只是車短了0.2MM左右，絕不會影響牙齒的結構，唔講你都睇唔出，計我話至緊要過程零痛楚。如果牙齒表面不潔，如有牙石就需要先洗牙，醫生讚我牙齒乾淨 no need wow！

完成所有必需步驟就到「倒模」程序，原因係每個人的牙齒結構都不同，而牙貼面不同iPhone屏幕貼，不可能係一式一樣的，所以倒模的作用就為你度牙訂造一個適合個人的牙貼面 ，然後將訂單送到比利時Glamsmile訂造，勁專業，所以話一分錢一分貨囉！

而我早在三星期前已經做齊以上牙貼面的前期工作，包括修牙、倒模及交由比利時廠方為我訂造牙貼面，終於，我的牙貼面就在下週到港，而我，很期待4月18日，我的牙齒大翻新！

待續……
———————————————————————————————————————————————