防暗粒，要抽濕！
有件事很奇怪，我自己都唔知係咪關事，自從一個月前終於為潮濕的家添置一部抽濕機，我的整體皮膚質素及精神度，比起未用抽濕機之前，好了很多，尤其是額頭無再時不時出暗粒了！
自從年多前搬到現在的新居，由於臨近海傍，這年多來，在潮濕的日子裏，的確幾難捱。老公一直強調必須添置一部強勁的抽濕機，但一直被我反對，原因係阻地方同浪費金錢，同埋認為空氣抽得太乾，對皮膚唔好。
終於捱過了第一個潮濕季度，今年這個超級潮濕的春季，抽濕機又再成為家庭糾紛的主角！
我放下原則，容許抽濕機成為家中一份子，條件係要型同細！
好吧，反正我老公自封家電達人，Miele蒸爐、Miele吸塵機、B＆O室內無線電話……都係佢自詡的佳作，今次委派他去揀抽濕機，終於揀了二千多元的 Whirlpool 型號SS210 抽濕機。
睇相只係一般外表，四平八穩未見突出。據佢講係相同高抽濕量機種中體積最細的一款，合乎我唔阻屋企為原則的最佳選擇，加上白色機身也合我意。
當首日試用時，濕度約百分之九十五，抽濕地點首先係我們的closet！打開晒所有櫃門來個大抽濕，三小時後發現closet房真係好清爽！接著移師大廳盡情抽濕，結果一整晚發現沒有想像中的乾，甚至起床後發現成個人都似特別精神，以往被一股潮濕氣流包圍的感覺亦沒有了。
-
後來我和我的御用皮膚科醫生講起此事，他說其實抽濕機都對一些嚴重皮膚敏感或患有濕疹的人有極大幫助！首先，很多人誤解，潮濕天氣等如為皮膚保濕！其實這是極錯觀念，皮膚只是被濕氣包圍而沒有真係被皮膚吸收，加上空氣不潔淨，沾上不潔粒子的潮濕空氣依附在皮膚之上，想皮膚變好難上加難，所以這時的潮濕空氣，特別多皮膚敏感的人受苦！所以必須保持皮膚清爽才可以得到好的皮膚質素。
後來我將這事和兩位皮膚特別敏感的友人分享，其中住將軍澳的好友家居濕到以牆身「水浸」來形容，後來聽我所言立即添置抽濕機，結果皮膚大有改善，特別是沖涼後的痕癢感覺冇晒，令她確信抽濕機對她所帶來的好處。
而我自己一直對抽濕機的反感亦失去了，因為抽濕後的家居並非想像中的乾，特別是我家中兩隻貓貓的毛髮亦變得好清爽，抱上身沒有濕濕的感覺，連牠們都好似好like部機，一開機就霸頭位瞓到好埋仲好舒適咁！
-
其實天氣太潮濕，只會令皮膚分泌更多油脂以及阻隔皮膚的呼吸，結果惹來暗粒，目前我已經每日使用抽濕機，除非濕度在百分之七十以下啦！
從種種跡象看來，我已經相信，想預防皮膚暗粒，先訣除了保持水油平衡、毛孔潔淨外，原來抽濕機都係好幫手！
———————————————————————————————————————————————
本週《MORE》專欄精采內容：
全方位抗黑頭收毛孔妙法
夏天一到高温加潮濕，鼻子黑頭粉刺問題加劇，毛孔堵塞令皮膚粗糙，可怕的是惡性循環，更甚是毛孔角化症，要對抗真是相當有難度，這咬牙切齒的面子問題，基本上無人可幸免！想知我的對付黑頭方法，詳情請留意今期《MORE》雜誌內我的專欄。
facebook：香港美容專欄作家 Yoko Tsang
hi yoko,
仲有你篇牙貼面幾時出呀？好期待呀！
噤你訓覺既時候會唔會開住部抽濕機？其實我同你之前一樣，都好驚用抽濕機…
我年尾搬屋都諗住添置一部抽濕機，因為天氣一濕皮膚敏感就特別嚴重，而且暗粒比平時嚴重好多，勁煩! 我前排行百貨公司睇左好耐都冇idea買邊部，多謝你推薦~而家唔洗煩了~haha~p.s: 大概幾多錢同幾大部左右?
嘩!唔講真係唔知原來抽濕機可以防暗粒，謝謝分享呀Yoko!
請問你SS210系邊度買2000幾？我都想買一部thanks
Hi Gj,
是豐澤啊！thanks