護髮巧遇知音人
呢排天氣討厭到不得了，又潮濕又焗又落雨，搞到頭髮詐晒形！
我頭髮最惡搞是髮根位及前蔭frizzy，一向唔鍾意用定型產品，只愛具修護功效的hair care products。
近來發覺有款護髮產品堅好用，長而乾性髮質至啱，直至呢刻我認為必定要推介大家，因為巧遇專業級知音人。
事緣上星期 “chok chok chok” 節目御用髮型師 Ritz Lam 幫我吹頭之前，竟然又係用以下介紹嗰支產品，我即刻話佢知：「我都用緊呀！新出吖嘛，估唔到咁好用、咁清爽！」
就連專業髮型師都讚，證明我無愛錯。
Loreal Professionnel Mythic Oil $280／125ml (查詢 3180 1510)
吹髮前塗上修補磷狀表層，或乾髮後抹上修護兼造型。
睇佢成支粟米油嘅樽身，差D俾佢外表呃咗，以為必定超級油潤、黏立到暈，冬天至啱用添！如果真係如我所言，品牌又點會喺步入夏季四月推出呢！
當我認真試用了三個星期，乾燥、潮濕天氣都有用，出奇地非如我所想，原來油狀護髮產品質感都可以好輕盈、好爽好易吸收，塗後令髮絲柔滑聽話貼服，好啱夏天用；甚至乎比起用乳液狀護髮產品仲輕身。我以往也有買好多護髮油，呢支是我喜愛的頭兩甲之選，然而，唯一若有所失是氣味不夠清新，我偏愛花香味。
Mythic Oil 有咩天然成分幫助護髮？
葡萄子精華油—呢個成分令我直接聯想到美容品牌Caudalie，是最佳抗氧化保護，含豐富維生素、亞麻油酸、脂肪酸，用於護髮上功效是修補斷裂、乾燥受損髮絲。
牛油果精華油—含奥米加3、6、9(仲以為鱼肝油至豐富添，以後要多食牛油果喇)及維他命A、B1、D，是高度滋養修復因子，柔滑髮絲，增加亮澤。
建議N個用法：
a) 濕髮時搽在髮尾位置才用風筒吹乾，以減輕熱風傷害。
b) 出街前塗在乾旱髮絲上輕輕搓揉，即時減少毛燥瞬間貼服。
c) 將油置於設有噴嘴樽身，距離頭髮五吋左右噴上，可增加亮澤度。
d) 呢項專為染髮之士而設，據研究測試，過程中將3滴精華油混入染髮劑，可以加強修護同時令髮色更亮、髮質更滑。
———————————————————————————————————————-
本週《MORE》專欄精采內容：
全方位抗黑頭收毛孔妙法
夏天一到高温加潮濕，鼻子黑頭粉刺問題加劇，毛孔堵塞令皮膚粗糙，可怕的是惡性循環，更甚是毛孔角化症，要對抗真是相當有難度，這咬牙切齒的面子問題，基本上無人可幸免！想知我的對付黑頭方法，詳情請留意今期《MORE》雜誌內我的專欄。
facebook：香港美容專欄作家 Yoko Tsang
Hihi yoko
我本身有對勁大勁深黑眼圈架..想知如果做你之前介紹過既紅外線同另一個”pa la v”eye treatment..係咪要keep住常做先work? or可做完5次為一個療程就ok ga?
打針可以減淡黑眼圈ma?
Thx ur reply^^
我手腳patpat都有紅色一點點(毛囊角化症) 請問有咩解決辦法 thanks
Hi Theresa,
毛囊角化症可以做專業peel逐步解決，暢通毛孔。
每次約幾百多元(視乎範圍)，若有興趣做這treatment可再留言l我，推介給你。
thanks
Hi Debby,
是Elight及Pelleve，初做療程要相隔每兩至三星期一次，共5次左右；隨後過了半年，可約3個月做1次，效果會持續靚。注射restylane減淡黑眼圈，是基於淚溝情況嚴重者，是視覺上撫平非直接改善。
thanks
treatment收費多少?thanks
我d頭髮又多又唔貼服,頭頂又多毛毛飛起,有咩產品可以查左整低頭頂d毛毛ar?
Hi Pool Pool,
我就是用這支油，放少許在掌心搓揉然後抹在髮頂毛毛上。切忌多否則會黏立。
thanks
YOKO,
請問你之前介紹個既染法劑係咩牌子架?
—->
「嶄新染髮技術登場，染後髮絲閃亮光澤、超級順滑柔軟、水分充盈，不但無損，甚至靚過 …」
Hi Alex,
Loreal INOA.
thanks