媲美人胎盤要素 駐顏面膜
人胎素在美容上有幾大威力？
無論是外塗或注射式也是謎思，因為沒有得到香港衛生署approval，不容許公開報導，大家所知的自不然少之又少。
而我所知的是經由醫生講解，及朋友們的真實個案，他們經特殊渠道成為人胎素追捧者。
姊妹們gathering爆料，原來在美容院／clinic做的治療師，一傳十十傳百，好多人都有定期注射人胎素，咁大膽？真的難以置信啊！
而當中我熟悉的一位朋友更已經注射了兩年，是自行注射不假手他人，我不其然擔心她使用的貨源是否安全，她卻闊佬懶理，謂：「唔打唔得呀！已經上癮，初初打了幾支，已經覺得皮膚有番彈性、滑溜、少紋、光澤……總之後生幾年，連精神都好了許多，真係唔打唔得呀！」
嘩….形容到天上有地下無引人入勝，之但係我都未想試住，至緊要安全至上嘛！
Anyway，希望日後科技更發達，人胎素普及，會有全面研究資訊可以告知大家。
-
近日，我試了「人胎素代替品」，是面膜來的，滋潤效果唔錯，品牌及成分有強勁backup，不過都幾貴，成一百蚊片呀，敷20分鐘，即每分鐘駐顏花費緊5蚊！
ISA KNOX TE’RVINA 人胎素精華面膜 $498／5片
何謂「人胎素代替品」？即係不是真的取自人胎盤要素，放心，而是經科研複製人胎盤中的有效美肌成分。
原來是8種物質，當中如皮膚細胞生長因子、免疫因子、生存因子等，就可以令皮膚獲得新生。
分上下兩片剪裁，我一向喜歡這樣設計的paper mask，
如 SK-II Skin Signature Mask 3D Redefining Mask，
特別fit面形、好貼服呀！
說實話，我一向無試用過ISA KNOX 任何產品，卻認知是韓國LG集團旗下至貴價護膚品牌，終於因為最近新推出呢款媲美人胎素mask，至激發我興趣慾試試，更重要一點是對駐顏成分有信心：
好多品牌成日話產品是科研成果，何謂真正科研？
以呢款mask為例，我會覺得有料到，因為是與韓國唯一最大規模的「人胎盤研究所」CHA 醫院合作，而呢間醫院已經有50年歷史，美國及日本等都有分支，是世界級水平。
是棉布質地，精華液夠多好rich，基本上足夠敷半粒鐘。
我建議剪走近耳側髮邊小三角形，一方面唔使搞到頭髮黏立，
另一方面仲可以……
修補破口，即是鼻翼兩邊穿窿位，貼埋上去就perfect喇！
評價：「敷完之後皮膚毛孔看來細緻了、很潤澤令
乾紋促退，但可惜白淨度無提升，適合偏乾性肌膚。」
—
預告：
我手握呢部係乜東東？
可以幫助精華加速吸收、去水腫、收毛孔、緊膚、美白……
係咪好吸引呢？
Haha…..賣關子，下星期一敬請留意我在《more》撰寫的美容專欄，自有揭曉！
——————————————————-
本週《MORE》專欄精采內容：
至激嶄新瘦面回春術 韓式面部埋線
埋線瘦面？真的嗎？此技術卻始創於韓國醫學界，屬注射式微創醫學美容，率先同大家披露，詳情請留意今期《MORE》雜誌內我的專欄。
facebook：香港美容專欄作家 Yoko Tsang
美肌儀器~~正喎
Hi Masar,
yes yes….好誘惑！