Jeepney是菲律賓獨有的吉普車，不少都噴有搶眼奪目的圖案，見過有小飛俠、米奇老鼠、Winnie the Pool等等，千奇百怪，玩野之餘又能吸引乘客，司機渣得開心，路人又睇得開心。除了鮮艷的funky圖案外，車身亦有該吉普車的路線號碼、起點、目的地和路經的主要地點，乘客可以選擇適合的吉普車，車廂內更有收費表，不同路段不同收費，就像香港小巴的分段收費一樣。

每日day tour都拿著相機對著窗外不斷影，由保和到宿霧。不過，見過一架Jeepney會迫十幾個人，又見過一架塞到成架都係花花草草同樹枝，或者塞滿人但係車頂有幾個，車尾又企多兩三個，你貼住我，我貼住你……大熱天時喎，點敢坐？