黎緊一年半，呢個盒就一直會跟住我。

今日係我人生一大轉捩點，因為我加入箍牙妹行列。由細細個開始，我右邊門牙已經係哨左半隻出黎，但我一直無理，爸爸媽媽都覺得無大問題，直到近年開始生智慧齒，又要生得唔好，係咁向前頂，頂到D牙愈來愈唔齊。另外，我亦發現我D牙本身是有點暗哨的。我唔敢箍鋼牙，而係用Invisalign的箍牙，記得前一兩年幫陳法拉做訪問，經已聽過Invisalign呢個箍牙技術，用透明牙套取代傳統鋼牙，果個「箍牙都可以開心笑」既廣告亦都深入民心，但我一直無箍，直到早幾個月見到beauty team同事Suifi差不多箍完，D牙整整齊齊好鬼靚（本身都已經好靚女），於是我唔知痴左邊條筋，突然下定決心要箍。

又靚仔手勢又好，唔搵Clement都唔知搵個啦！

Suifi介紹幫佢箍牙果個Clement Tong比我，唐醫生係beauty呢行原來好出名，間唔中都會幫手上鏡做consultant的稿，好多記者編輯同埋model都係佢客仔，加上人又靚仔，唔搵佢都唔知搵邊個。今次我箍牙，真係真心覺得佢係值得推介。皆因我箍牙要先剝牙，上下左右總共剝四隻，記得佢話我知要剝時，我係面不改容一D都唔驚，拍哂心口話無問題，之後護士仲話「剝牙好小事，好多人都係一次過剝哂，唐醫生剝牙唔痛架！」，咁勇字當頭的我當然都唔會輸蝕，決定一次過剝。之後到左剝之前果晚，我真係驚到訓唔著，訓著左就仲發夢見到自己入左真係要比人「湯」果D手術室，驚醒之後嚇到喊…訓左兩個鐘就醒左。剝牙，原來真係好恐怖，係我人生有記憶以來感覺最接近死亡，首先打麻醉針只係好似針吉咁都唔太痛，但到左真係要剝時，感覺到醫生用盡全身既力去同我隻牙拔河咁拉扯，扯呀扯呀扯呀，雖然每隻都好似只係扯左1分鐘就剝完，但比佢搖到個頭chok chok下真係好恐怖，好似佢唔知要係我身上扯走D嘜咁，我又抓住張凳，又抓住自己d衫，果刻勁想同醫生講「我唔箍牙啦，你唔好剝我D牙！」當然肉隨砧板上最後都係順利剝完，醫生同護士都叫我放鬆放鬆，但我剝完之後對手連身成個人都震哂，真係堅恐怖。剝完之後成口血，半個鐘之後換一換紗布，再過兩三個鐘麻醉藥過左，神奇的事就發生了，接連之後幾個鐘，甚至全晚我個傷口都無痛過，雖然無左隻牙個傷口係脆弱D，但大概只係好似生左粒飛滋仔咁既感覺，真係完全唔痛，成包止痛藥就咁比我白白浪費，於是我真心覺得唐醫生好堅，手勢勁好。

話說回頭，今日我第一日上牙套，除牙套時勁蠢地夾損咀唇，我相信日後都一樣要經歷好多時勁麻煩的除套、戴套、除套、戴套、除套、戴套、除套、戴套…希望快D可以熟習。